Xalay, Degmada Ceelbuur ee Gobolka Galgaduud, waxaa ka dhacay weerar qorsheysan oo ay fuliyeen ciidamo ka tirsan Macawisleey, kuwaas oo si dhuumaaleysi ah ku galay magaalada. Weerarkan ayaa lagu bartilmaameedsaday mid ka mid ah horjoogayaasha kooxda Al-Shabaab, kaas oo ahaa madaxa waxa ay ugu yeeraan xisbiga ama booliiska. Sida ay xaqiijiyeen ilo xog ogaal ah, weerarkaasi wuxuu sababay khasaare soo gaaray maleeshiyaadka Al-Shabaab.

Macawisleey waa maleeshiyo beeleedyo hubeysan oo ka soo horjeeda kooxda Al-Shabaab, kuwaas oo dhowr jeer weeraro ku qaaday xarumaha iyo xubnaha kooxdaas. Weerarkan ugu dambeeyay ee ka dhacay Ceelbuur wuxuu muujinayaa sii socoshada iska caabinta ay Macawisleey ku hayaan Al-Shabaab, gaar ahaan gobollada dhexe ee Soomaaliya.

Inkastoo faahfaahinta weerarkan ay weli kooban tahay, dhacdadan waxay muujineysaa dadaallada ay kooxaha deegaanka iyo maleeshiyo beeleedyada ku doonayaan inay kaga hortagaan saameynta Al-Shabaab ee deegaannadooda. Sidoo kale, waxay muujineysaa in Al-Shabaab weli wajahayo cadaadis gudaha ah oo kaga imaanaya kooxaha hubeysan ee deegaanka.

Waxaa xusid mudan in Weerarkani noqanayo kii sadaxaad oo Magaaladaas lagu qaado xili habeen ah laguna waxyeeleeyo Kooxda AS ee Halkaasi ku sugan sidoo kale tani waxa ay muujinaysaa inay jiraan Dad ku dhiiran kara in Kooxdan ay kula dagaalamaan Meelaha Awooda ay ku leeyihiin,