Mohamed Abdi
Wasiirka Wasaaradda Dekadaha iyo Gaadiidka Badda ee Jamhuuriyadda Federaalka Soomaaliya, Xildhibaan Maxamuud Aadan Geesood, ayaa maanta xafiiskiisa ku qaabilay Wakiilka Gaarka ah ee Guddiga Midowga Afrika ahna Madaxa AUSSOM, Danjire Souef Mohamed El-Amine.
Kulankan ayaa diiradda lagu saaray arrimo muhiim ah oo ay ka mid yihiin:
- Hordhaca Mission-ka AUSSOM Soomaaliya
- Amniga Badda Soomaaliya iyo la dagaallanka burcad badeedka
- Dib u dhiska iyo tayeynta dekadaha dalka
Iskaashiga Soomaaliya iyo Midowga Afrika
Wasiirka Dekadaha ayaa uga mahadceliyay Midowga Afrika kaalinta naf-hurnimada leh ee ay ka qaateen dib u dhiska dalka, gaar ahaan dhinacyada amniga iyo horumarinta kaabayaasha dhaqaalaha. Wuxuu hoosta ka xarriiqay muhiimadda ay leedahay wada shaqeyn dhow oo dhex marta Wasaaradda Dekadaha iyo Midowga Afrika, si kor loogu qaado shaqada baaxadda leh ee Wasaaraddu ay waddo.
Dowladda Soomaaliya ayaa dadaal badan ku bixinaysa horumarinta dekadaha, iyadoo la tayeeynayo adeegyada badda si kor loogu qaado ganacsiga iyo isku xirka dalka la leeyahay caalamka. Iskaashigan la xoojinayo ayaa la filayaa inuu furo fursado badan oo lagu horumarinayo dekadaha, kalluumaysiga, iyo ganacsiga badda.
La soco wararkayaga si aad u hesho faahfaahinta dheeraadka ah ee kulankan iyo dadaallada lagu horumarinayo dekadaha Soomaaliya!
